Home / Literary Activities / ماریشس میں شاعرمشرق ڈاکٹرعلامہ محمداقبال پر بین الاقوامی سیمینار کا انعقاد
15696930_1085137038262237_391124051_o

ماریشس میں شاعرمشرق ڈاکٹرعلامہ محمداقبال پر بین الاقوامی سیمینار کا انعقاد

ماریشس میں شاعرمشرق ڈاکٹرعلامہ محمداقبال پر بین الاقوامی سیمینار کا انعقاد

28  دسمبر  2016     |

رپورٹ عارف کسانہ ، سوئیڈن،  یورپ

سٹاک ہوم (عارف کسانہ نمائدہ خصوصی) دنیا بھر میں علامہ قبال کی شخصیت اور ان کی خدمات کے اعتراف میں تقریبات کا انعقادہوتا رہتا ہے۔ اسی سلسلہ کی ایک تقریب بحر ہند میں واقع ایک چھوٹے سے افریقی ملک ماریشس میں منعقد ہوئی۔ماریشس میں قائم مہاتما گاندھی انسٹی ٹیوٹ کے شعبہ اردو میں یوم اقبال کے سلسلہ میں اس کا ہتمام کیاگیا ۔ علامہ اقبال پر بین الاقوامی سیمینارسے انسٹی ٹیوٹ میں بین ا لاقوامی سیمیناروں کے سلسلہ کا آغاز کیا گیا۔ اس بین الاقوامی سیمینار کے روح رواں ایم جی آئی میں شعبہ اردو کے سربراہ ڈاکٹر آصف علی محمد تھے۔ انہوں نے اپنے خطبہ استقبالیہ میں ہندوستان اور پاکستان سے تشریف لائے مہمانوں کا استقبال کرتے ہوئے ان کا شکریہ بھی ادا کیا۔بعد ازاں سیمینار کے اغراض و مقاصد پر روشنی ڈالی اور اراکین انتظامیہ کا ان کے تعاون کے لیے شکریہ ادا کیا گیا۔مسز سوریا گیان، ڈائرکٹر جنرل ایم جی آئی آرٹی آر نے سیمینار کا افتتاح کرتے ہوئے اقبال کی شاعری پر روشنی ڈالتے ہوئے کہا کہ اقبال ایسے شاعر ہیں جنہیں ہم الگ الگ خانوں میں نہیں رکھ سکتے وہ ایک آفاقی شاعر تھے جو بڑے فلسفی بھی تھے۔ اردو اسپیکنگ یونین کی جانب سے ڈاکٹر صابر گوڈر نے اپنی تقریر میں اقبال کو ایک ایسا شاعر قرار دیا جن کو ساری دنیا اپناشاعر کہتی ہے۔

15725300_1085137191595555_24281677_o 15696470_1085137211595553_1905757771_o 15658848_10211369953433000_756857348_o 15631206_10211369951832960_727270578_o15723647_10154033448656587_5935830998048372921_o img-20161227-wa0268

جواہر لال نہرو یونیورسٹی دہلی میں شعبہ اردو کے سربراہ پروفیسر خواجہ اکرام نے اپنی افتتاحی تقریر میں اقبال کی شاعری کے مختلف پہلوئوں پر روشنی ڈالی۔ انھوں نے اقبال کی شاعری میں انسانی عظمت کے حوالے سے بھی اظہار خیال کیا۔ اس افتتاحی پروگرام میں مسٹر میتھو چیئر مین ایم جی آئی ، آر ٹی آر ،ڈاکٹر مسز کنجل رجسٹرارامسٹر موری ڈائرکٹر اسکولنگ ،ڈاکٹرچیمن ہیڈ آف انڈین اسٹڈیز ، موجود رہے۔ آبیناز جان علی نے نظامت کے فرائض خوش اسلوبی سے ا نجام دئیے۔ ڈاکٹر آصف نے تمام شرکا ء کا شکریہ ادا کیا۔چائے کے وقفے کے بعد پروگرام کی صدارت پروفیسر خواجہ اکرام نے کی اس سیشن میں پاکستان سے تشریف لائے جناب فہیم ارشد ، اقبال اکیڈمی پاکستان نے اقبال کی شخصیت کے چند پہلو کے عنوان سے مقالہ پڑھا اور اقبال پر سائبر میڈیا میں ہو نے والی پیش رفت سے حاضرین کو آگاہ کیا۔ انہوں نے اقبال اکیڈمی کا تعارف بھی پیش کیا۔ اس کے بعد ایم جی آئی میں تدریس کے فرائض انجام دے رہی محترمہ زینب جمن نے اقبال کی شاعری میں عشق رسول ۖ کے عنوان سے اپنا مقالہ پیش کیا۔ آخر میںپرفیسر سید شفیق احمد اشرفی ،خواجہ معین الدین اردو عربی فارسی یونیورسٹی لکھنو نے اپنا مقالہ اقبال اور فیض کے چند اشتراکی پہلو کے عنوان سے مقالہ پیش کیا۔ مقالات کے بعد سوال و جواب کا سلسلہ بہت دلچسپ رہا جس میں سامعین نے طرح طرح کے سوالات قائم کیے۔ آخر میں ان تمام مقالات اور سوالات کی روشنی میں صدراتی خطبہ پیش کیا۔پروفیسر ڈاکٹر خواجہ اکرام نے اقبال کی شاعری میں عشق رسول ۖ اور تصور عشق کے علاوہ اقبال کی شاعری میں استعاراتی نظام پر پر مغز گفتگو کی۔اس اہم سیمینار سے دنیا کے اس خطہ میں اردو زبان اور فکر اقبال کو مزید فروغ حاصل ہوگا۔

About admin

Check Also

trinity

برطانیہ میں اردو کی تدریس

پروفیسر خواجہ محمد اکرام الدین  برطانیہ میں اردو کی تدریس برطانیہ میں ارود کے فروغ کی  کہانی …

Leave a Reply

Your email address will not be published. Required fields are marked *